自西安交流時睇過一次後, 番香港再度"回味"
Sokurov既拍攝意念十分之好,整個長鏡頭唔會令人覺得造作,串連俄國沙皇時代興衰史。自問對畫作同俄國歷史沒有多大既認識,不知其中既象徵意味,實應將勤補拙,多加留意學習
片中一條走廊,法國人(Marquis de Custine)提到建築抄作梵蒂岡歐式風格,令我不禁想起近年中國的暴發戶、新建「豪宅」、甚至政府大樓, 依外國風格照樣全抄,古代建築傳承在這些"上流社會"愈見式微
整套片配樂十分不錯, 配樂不多, 但運用得當, 當然我尤其喜歡glinka所作的選段配樂,有一番俄國raw既感覺、與德奧派不同的氣派,繼tchaikovsky之後既另一「賣飛佛」俄國作曲家, 猶好佢既opera
最感受最深的一個「鏡頭」(都唔知點形容好,用位置可能較貼切),係臨近片末, 舞會結束後眾人步出冬宮的一個場面。平時去完文化中心聽完一場動聽concert(hkpo 果D大部分差勁演出除外),步下那條長長的樓梯時夾集回味、留戀既心情, oh! 就是那種感覺,一大班唔識既人於身邊走過,全部人都響度談論著剛才的樂團表現,處於半邊魂遊、半邊現實的情境;再加埋一種"the end"前,前路還很遠很漫長;再加埋拍攝既手法,一行一行人合埋既人海帶來既視覺刺激, 就係我對果個位既難忘感覺。
題外話, 片中舞會既管弦樂團指揮gergiev將在art festival同埋Mariinsky Theatre一齊黎演出, 可惜人在西安,無訂到飛, 不過曲目唔吸引.......又係brahms! 我聽夠皮, 要轉轉口味
